GENERAL SANTOS CITY – Mukabat na sa 23 ang natala nga firecrackerS-related injuries sa Region 12 lima ka adlaw una ang bag-ong tuig.
Sumala pa sa Department of Health SocSCSargen Region nga sa maong ihap 22 niini mga lalaki samtang usa ang babaye.
Base sa data ang mga nahimong biktima ang nag-edad ug nueve anyos hangtod sa 66-anyos apan kadaghanan niini nag-edad 13-anyos.
Matud pa nga kadaghanan sa mga biktima ang mga nasamdan, napaso ug uban naapektuhan ang ilang mga mata. Hinoon wala pay gikareport nga naputlan og kamot.
Nanguna nga may labing daghan nga biktima ang South Cotabato nga adunay siyam samtang tig lima sa Sarangani ug North Cotabato. tulo sa General Santos ug usa sa Sultan Kudarat.
Ang mga biktima nga nakaangkon ug mga samad gumikan sa pagpabuto ug boga kung asa upat ang biktima samtang upat usab ang nabuthan ug five star ug laing upat ka biktima ang nabuthan ug kwitis.
Duha usab sa piccolo ug laing tulo ang dili matino ang matang sa pabuto.
Una ng gibutyag sa DOH nga ila ng giandam ang mga gamit nga pamutol sa tudlo isip preparasyon sa pagsaulog sa bag-ong tuig.
