-- ADVERTISEMENT --
SARANGANI PROVINCE– Patay ang usa ka 10-anyos nga batang lalaki human mabanggaan sa usa ka van-type truck nga giingong nawad-an og preno, kaganihang buntag karong Huwebes Santo, Abril 2, 2026, sa Sitio Buayan, Barangay Malandag, Malungon, Sarangani.
Sumala sa report, nahulog ang maong sakyanan ngadto sa lalom nga bahin sa kilid sa kalsada ug didto naigo ang menor de edad nga hinungdan sa iyang dayong kamatayon.
Matud pa sa inisyal nga pamahayag sa mga opisyal sa barangay nga maoy unang nirespondi sa insidente, ang pagkawala sa preno sa van-type truck maoy giingong hinungdan sa aksidente.
Sa pagkakaron, padayon pa ang imbestigasyon sa mga otoridad aron matino ang tanang detalye ug matubag ang mga pangutana kabahin sa maong trahedya.
