-- ADVERTISEMENT --
GENERAL SANTOS CITY – Anaa sa 10 ka mga pampubliko nga tulunghaan sa dakbayan ang giindorso sa Department of Education (DepEd) General Santos aron mahimong kabahin sa pilot school sa face to face classes nga ipahigayon sunod bulan sa Enero.
Matud ni School Division Superintendent Rommel Florez nga gipangayu-an sila sa DepEd Regional Office ug mga pangalan sa tulunghaan nga wala nay gikataho nga transmission sa coronavirus disease.
Gikadugang pa niini nga gipahimo sila ug transition plan aron sundon ang gustong mahitabo.
Gibutyag usab niini nga kung mahinayon kinahanglan nga dili pugson ang mga ginikanan ug mga magtutungha aron mupartisipar ang mga bata samtang wala pa ang bakuna.
