GENSAN CITY – Dili matukib ang gibating kalipay sa liderato sa General Santos City Police Police (GSCPO) sa naangkon niining bag-o nga mga motorsiklo.
Kini human nga pormal nga gidawat ni City PNP Director Police Col. Nicomedes P. Olaivar Jr. ug mga staff officers ug personnel niini ang 50 ka bag-ong XR sports motorcycle gikan sa LGU-Gensan.
Gibutyag niini nga kini magamit sa kapulisan sa pag-patrolya hilabi na sa suok nga mga dapit maong dako kaayo kini ug tabang sa operasyon sa GSCPO.
Nanguna sa turnover ceremony sa maong mga motorsiklo si Gensan City Mayor Lorelie G. Pacquiao uban sa mga Konsehal sa dakbayan.
Nahitabo kini atubangan sa Gensan City Hall Building kagahapon sa miaging adlaw nga Martes sa buntag, Septembrer 17.
Nasayran nga pulos ‘dirt bike’ ang gihatag sa LGU Gensan kung asa ipang apod-apod kini sa napulo ka mga police station ning syudad aron nga magamit usab nila sa ilahang ipahigayon nga police visibility.
