1 patay sa pagpamusil ug pagsunog sa simbahan sa Michigan

Kumpirmadong usa ka tao ang namatay ug uban pang naangol sa pagpamusil ug pagsunog sa usa ka simbahan sa Mormon sa Michigan.

Ang suspek migamit og assault rifle sa Church of Jesus Christ of Latter-day Saints sa Grand Blanc, Michigan.

Ubay-ubay usab ang naangol sa maong insidente ug gidala sa tambalanan.

Napalong na ang kalayo ug padayon pang gisuta sa mga otoridad ang identity ug motibo sa suspek.

Gikondena ni Michigan Gobernador Gretchen Whitmer ang insidente, nga usa ka dili angay nga pagpamusil sulod sa usa ka simbahan.