GENERAL SANTOS CITY – Usa patay samtang upat ang nakaangkon ug dagkong samad sa lawas gumikan sa pagbangga sa duha ka motorsiklo sa usa ka pick-up truck.
Base sa taho sa Traffic Management Unit sa kapulisan sa syudad nga pulos nakainum ang duha ka motorcycle driver dihang nalambigit sa aksidente sa national highway Apopong ning syudad.
Gibutyag nga ang pick-up nga giingong nakabangga sa duha ka motor nga gikamatay sa driver sa pick-up human nakaangkon ug severe body ug head injury.
Giila ang namatay nga si Terry Renggor Rabiya, 48 anyos nga taga Sugod, Apopong ning syudad.
Matud ni Police Major Richard Ybañez, hepe sa TMU nga paingon sa Hadano highway ang duha ka motor gikan sa Polomolok dihang kalit lang nabanggaan sa pick-up ang duha ka motorsiklo.
Pulos nalabay sa ilang motor ang mga driver nga silang Rene Boy Contes Lamay, 27 anyos, nga taga Upper lemon, Padada Davao del Sur ug ang laing driver nga si Ronaldo Caro Mameng, 44 nga residente sa Calumpang ning syudad.
Matud ni Ybañez nga pulos naka-inum ug hubog ang duha ka biktima.
Samaron usab ang backrider nga si Mylene Mameng 40 anyos .
Matud sa opisyal nga walay lisensya ang driver sa pick-up nga si Rabiya dihang nahitabo ang pagbangga.
