GENERAL SANTOS CITY – Usa ang patay samtang laing walo ang nasamdan sa pagbangga sa duha ka traysikel didto sa Maasim, Sarangani Province.
Basi sa gihimong pagsusi sa Maasim Municipal Police Station nga anaa sa managlahi nga direksyon ang duha ka traysikel apan pag-abut sa poblacion didto nahitabo ang disgrasya.
Paspas matud pa ang traysikel nga gikan sa Lumasal dihang kalit kini nga mikawat sa lugar sa iyang katagbo human milikay sa semento nga gihimo sa national highway.
Kusog matud pa kaayo ang pagbangga nga nagresulta sa pagkamatay sa biktima nga si Marina Ambay 50 anyos nga taga Lumatil, Maasim sarangani samtang gidala usab sa hospital ang laing walao ka mga biktima nga sakay sa duha ka traysikel.
Pulos kustudiya sa kapulisan ang duha ka driver lakip na ang ilang mga traysikel.
