GENERAL SANTOS CITY – Usa ang patay og lima ang samaron sa dihang naigo sa kilat sa Purok Makugihon Upper Klinan Brgy. Cannery, Polomolok, South Cotabato.
Sa imbestigasyon sa Polomolok Municipal Police Station gideklara dead on arrival sa ospital si Edwin Cabisares, 47 anyos minyo nga residente sa Upper Klinan sa maong munisipyo.
Ang mga samaron mao silang Rachel Aliviado, 42 anyos minyo , Renaldo Aliviado 46 anyos, nga taga Cannery, Kessia Cabisares, 15 anyos, Carlwyn Cabisares 16 anyos og Rolando Alcuizar, 46 anyos nga taga Cannery nga pulos mga residente sa maong munisipyo.
Gibutyag nga samtang naghimo sila og payag-payag sa dihang nag naigo sa kilat ang mga atop og nasunog ang mga nasampit.
Natigayon ang insidente human nga nasinatian ang ulan sa maong lugar.
Ang mga samaron ang kasamtangang giatiman sa mga doktor.
