Napanaog na ang tulo ka mga patay nga lawas sa tulo ka rebelde nga napatay sa engkwentro nga natigayon sa Barangay Cabatangan,Lambunao, Iloilo kaniadtong Agosto 15,2024.
Kini mao ang mga patay nga lawas nilang Vicente Hinojales, nailhan usab sa pangalan nga Arjie/ Hadjie/LJ, usa ka taas nga lider sa NPA, nga gikan sa Matalam, North Cotabato, og nagsilbi nga Regional Secretary sa Komiteng Rehiyon-Panay; Maria Concepcion Araneta Bocala, nailhan usab sa pangalan nga Concha, 1st Deputy Secretary, KR-P, og NDF Consultant nga gikan sa Brgy. Pueblo, Conception, Manduriao, Iloilo City og si Vivian Torato Teodosio, nailhan usabs sa pangalan nga Minerva/Mara/Moray, Secretary of Central Front, KR-Panay, residente sa Rodriguez St., Sta. Barbara, Iloilo.
Sa interview sa Bombo Radyo kay Liutenant Colonel J-Jay Javines, spokesperson sa 3rd Infantry Division Philippine Army, gibutyag niini nga mga takna alas-8 sa buntag napanaog na ang mga patay nga lawas pinaagi sa pag-airlift.
Sa karon, anaa na sa Caspe Funeral Homes sa Lambunao, Iloilo ang mga nasampit nga mga patay nga lawas og pwede nga i-claim sa mga pamilya.
