GENERAL SANTOS CITY – Gi-preparahan na daan sa lokal nga gobyerno kung unsa ang lakang og mga angayang himuon ugaling makaangkon ug local transmission sa covid-19 ang dakbayan.
Matud pa ni City Administrator Atty. Arnel Zapatos, gilauman ang pagpauli sa mga locally stranded individual (LSIs) og returning OFWs.
Gibutyag niini, preparado ang syudad ugaling mahitabo nga adunay local transmission sa covid19.
Sa iyang pamahayag, dili gusto nga mabalik ang lisod nga sitwasyon sa tanan dihang gipatuman kaniadto ang lockdown og gipailawom ang GenSan sa enhanced Community Quarantine.
Dugang pa ni Atty. Zapatos, ipatuman ang zonal o gitawag nga local lockdown aron dili na mukatag ang virus sa uban pa.
Aduna na usay briefing nga gipahigayon ang mga doktor ngadto sa tanang barangay kalabotan sa mga angayang himuon ugaling mahitabo ang gikabalak-an nga local trasmission apil ang mga pamaagi nga i-implementar sa pagpatuman sa zonal o local lockdown.
