Gisuportahan sa Department of Health (DOH) ang paningkamot sa Philippine Medical Association (PMA) nga makab-ot ang ‘zero dengue death’ sa tuig 2030.
Sa ikaduhang Dengue Summit, gibutyag ni DOH Secretary Teodoro Herbosa nga posible ang pagkunhod sa ihap sa mga namatay tungod sa dengue, ug makab-ot kini kon mapanubo usab ang ihap sa mga bag-ong kaso.
Sumala sa datos sa DOH, abot sa 119,000 ka kaso sa dengue ang natala sa tibuok Pilipinas hangtod Mayo 31, 2025, nga 59% ang pagsaka kumpara sa parehong panahon niadtong Enero hangtod Mayo 2024.
Sa maong ihap, 470 ka dengue-related deaths ang narekord.
Galaum si Secretary Herbosa, nga pinaagi sa bag-ong mga paagi ug estratehiya, mapugngan ang dengue sama sa kahusayan sa pagsukol sa COVID-19 pandemic.
Lakip sa iyang mga sugyot ang mas lig-on nga kooperasyon sa mga lokal nga panggamhanan aron mapaabot ang kampanya sa pagpugong sa dengue.
