Gikumpirma ni Ukrainian President Volodomyr Zelensky nga plano nilang magtukod ug embahada sa Pilipinas ning tuiga.
Gihimo ni Zelensky ang pahayag human ang ilang meeting ni Pangulong Ferdinand Marcos Jr., sa sulod sa Palasyo sa Malakanyang.
Anaa sa nasud si Zelensky alang sa usa ka working visit.
Sa karon, sa Malaysia lamang adunay embahada ang Ukraine sa bahin sa Asya.
Sa habig usab ni Pang. Ferdinand Marcos Jr., iyang gibutyag nga maayong balita ang pag-abli sa Ukraine sa ilang embahada sa Manila.
Gipasalamatan usab ni Zelensky si Pang. Ferdinand Marcos sa iyang pagtambong sa Shangri-La dialogue 2024 sa Singapore kung asa gibutyag niini nga ang gihimo sa Pangulo usa ka kusog nga mensahe kung asa kini usa ka gamay nga lakang paingon sa kalinaw.
Nalipay si Zelenskyy sa nahimong posisyon ni Pangulong Marcos kabahin sa pag-atake ug pag-okupa sa Russia sa ilang mga teritoryo.
Nagpasalamat usab ang Ukrainian President kang Pangulong Marcos sa suporta ug donasyon sa Pilipinas sa ilang nasud samtang padayon nga nag-atubang sa epekto sa giyera.
Una pa man miatubang silang Pangulong Marcos ug Zelensky atubang sa ilang tagsa-tagsa nga cabinet officials, nakaangkon una ug panag-istoya ang duha ka lider nga sila lamang.
Kahinumduman nga supresang nahidangat si Zelensky sa Singapore sa gipahigayon nga Shangri-la dialogue 2024.
