Giakusaran ni Ukrainian President Volodymyr Zelensky ang Russia nga naggamit og mga missile nga gikan sa North Korea.
Gihimo niya kining pananglitan ang airstrike sa Russia sa Zaporizhzhia, Ukraine, diin unom ang namatay ug 19 ang nasamdan.
Matud ni Zelensky, mao kini ang unang higayon nga migamit ang Russia og mga missile nga gikan sa North Korea.
Giingon usab sa Ukrainian President nga dili matod pa makasukol ang Russia sa gubat kung walay tabang gikan sa ilang mga kaalyado.
Matud pa niya, nagpakita kini sa kakulang sa Russia tungod sa ilang pagsalig sa mga missile nga gikan sa North Korea.
Gipasalig ni Zelensky nga manimalos ang Ukraine tungod sa grabeng pag-atake sa Russia.
Una na usab nga giakusahan ni Zelensky ang Russia nga adunay kapin 50,000 ka sundalong North Korean nga mitabang sa ilang gubat batok sa Ukraine.
