Gibutyag ni Ukrainian President Volodymyr Zelensky nga siya mubiyahe sa White House aron makigkita kang US President Donald Trump sa Lunes, Agosto 18.
Kini aron hisgutan ang kahumanan sa giyera sa Ukraine.
Ang gikatakda nga pagbisita ni Zelensky sa White House matigayon human ang usa ka summit o one-on-one nga meeting tali ni Trump ug Russian Pres. Vladimir Putin sa Anchorage, Alaska
Bisan kung si Trump napakyas sa pagsiguro sa usa ka kasabutan tali ni Putin bahin sa gubat sa Ukraine, apan gibutyag nga sila ang magtrabaho alang sa kalinaw aron hingpit nga tapuson ang gubat tali sa Russia ug Ukraine ug dili lamang usa ka ceasfire.
Kahinumduman nga kontrobersyal ang katapusang tigom tali ni Zelensky ug Trump sa oval office sa White House sa Washington DC kaniadtong Pebrero 28 ning tuiga human natapos sa panaglalis ang bilateral meeting tali sa duha nga miresulta sa pagkansela sa gikatakdang pagpirma sa rare earth mineral agreement.
