-- ADVERTISEMENT --
Madawat na sa tanan nga mga government workers ang ilang year-end bonus ug cash gift sa bulan sa Nobyembre.
Kini human nga nagpagawas ug circular ang Department of Budget and Management nga nagtugot sa sayo nga pagpanghatag sa naasoy nga bonus ug cash gift dungan sa ilang unang payroll sa Nobyembre niini nga tuig.
Matud kang Budget Secretary Amenah Pangandaman, nag-isyu kini ug Budget Circular 2024-3 nga mag amyenda sa kanhi patakaran sa paghatag ug year-end bonus ug cash gift sa mga empleyado sa gobyerno.
Ang year-end bonus ang bugti sa usa ka bulan nga sweldo sa usa ka empleyado samtang ang cash gift ang nagkantidad ug P5,000.
Gipaniguro usab sa kalihim nga madawat kini sa empleyado aron magmalipayon ang ilang pasko.
-- ADVERTISEMENT --
