GENERAL SANTOS CITY – Gihinumdum sa kapulisan sa rehiyon dose sa pagpanguna ni Brig. General Percival Agustus Placer ang ika-134 nga adlaw natawhan ni General Paulino Santos kagahapong adlawa, Hunyo 22, 2024.
Pinaagi sa wreath laying ceremony kauban si Sol Santos Cuenco, Guest of Honor ug apo ni General Santos kuyog ang apo sa tuhod nga si Francisco Santos, Presidente sa Pioneers decendants, gihinumdom ang kontribusyon sa Founding father sa syudad.
Nagpahigayon usab ug “gun salute” ang kapulisan kang General Santos nga usa ka decorated military officer nga nahimong Commanding General sa Philipine Army.
Sa mensahe ni Sol Santos Cuenco, ang iyang apuhan ang nagdala sa programa sa gobyerno aron ipatuman ang pagpanghatag ug yuta pinaagi sa national Land settlement Administration kung asa namugna ang unom ka munisipyo sa South Cotabato nga mao ang Banga, Koronadal, Tupi, Tampakan, Polomolok, ug Buayan nga karon General Santos City pinaagi sa Republic Act number 5412.
Nasuta nga ang PRO 12 gipangalan kang General Paulino Santos ug ang iyang monumento makita sa Plaza Heneral Santos.
