Padayong ginamonitor sa World Health Organization (WHO) ang bag-ong sakit nga Marburg Virus Disease kon MVD kansa kuyanap na sa United Republic of Tanzania.
Nasayrang sukad niadtung gideklara ang pagkaylap sa maong virus niadtung Enero, nakatala na ang Ministry of Health sa maong nasod og usa ka namatay tungod sa maong sakit, kansa natala sa Biharamulo district sa Kagera region.
Dugang sa maong ahensya nga hangtud ning Pebrero 10, duna na silay natala nga duha ka managlahing kaso ug walo ka posibleng mga natakdan niini. Tanang walo ka mga kaso ang natalang namatay.
Apan subay sa ahensya nga tanan matud pang 281 ka mga giobserbahan, nakahuman na sa 21 ka adlaw nga quarantine monitoring.
Subay niini, mihimo na og lakang ang Ministry of Health sa maong nasod alang sa pagpugong sa maong sakit.
Gipadala na usab ang national rapid response team sa mga apektadong rehiyon aron mapadali ang pag-dukiduki mahitungod sa maong virus ug mapugngan pa ang pagkuyanap niini.
