GENSAN-Gitakdang isaulog ang World Blood Donors Day karong Hunyo 14.
Matud ni Johnny Fuscablo, sa Philippine Red Cross Gensan Sarangani, matag tuig kini nga kalibutanong kalihukan pasidungog alang sa minilyon nga mga boluntaryong blood donors nga naghatag og ikaduhang higayon sa kinabuhi sa uban.
Ang tema karong tuiga mao ang ”Give blood, give hope: together we save lives”. Gibutyag niini, ang maong selebrasyon magsilbi usab nga ‘awareness’ para sa tanan nga gikinahanglan ang regular blood donation.
Gipasiugda ni Fuscablo ang kamahinongdanon sa pag-donate sa tawo sa ilang dugo dili lang para sa ikaayo sa panglawas kundili makasumpay sa kinabuhi sa ubang tawo.
Kahibaluan nga lampas na og dekada nga nahimong partner ang Philippine Red Cross sa Bombo Radyo sa Dugong Bombo, a nationwide blood donation campaign sa network.
