Nakatakda nga mubumisita sa Pilipinas si Women NBA Champion ug New York Liberty superstar Sabrina Ionesco sa sunod nga buwan.
Mao kini ang unang pagbisita ni Ionescu sa Pilipinas sukad sa katapusan niyang pag-adto dinhi atol sa 2018 FIBA 3×3 World Cup isip kabahin sa US Women Team.
Ang Pilipinas maoy usa sa mga destinasyon sa WNBA star dungan sa iyang unang Asian tour samtang offseason ang liga.
Magsugod ang iyang opisyal nga kalihokan sa Pilipinas karong Marso 10 diin gikatakdang makigtagbo siya sa pipila ka mga bag-ong basketbolista, kaubang atleta, ug basketball coach sa nasod.
Nakatakda usab siya nga moapil ug makigduwa sa labing maayong propesyonal ug kolehiyo nga mga magdudula sa basketball sa Pilipinas.
Karong Marso 11, mosalmot na usab si Ionescu sa exhibition game ug 3-point shootout challenge isip kulminasyon sa iyang pagbisita sa Manila.
Ang tanang kalihokan sa WNBA shooter abre ug libre sa publiko. Samtang, human sa Manila, si Ionescu mopadayon sa Guangzhou ug Hongkong isip kabahin sa iyang Asian Tour.
