Mokabat sa 7 ka insidente sa sunog ang natala sa ikaduhang adlaw sukad niulbo sa Los Angeles, California USA .
Lakip sa natala nga mga insidente sa wildfires sa LA mao ang Olivas fire, Hurst fire, Woodley fire, Lidia fire, Sunset fire ug ang pinakadako niini mao ang Palisades fire ug Eaton fire diin halos 27,000 ka ektarya ang nasunogan.
Mokabat sa 137,000 ka mga tawo ang pwersadong gipabakwit gikan sa 2 ka mga lugar nga gilamoy sa sunog.
Ang Hurst Fire miulbo sa Sylmar sa amihanang bahin sa San Fernando samtang ang Sunset Fire maoy usa sa pinakaulahi nga miulbo sa Hollywood Hills duol sa Runyon Canyon.
Tungod niini, daghang mga balay sa Hollywood celebrities ang naugdaw usab sa nagdilaab nga sunog ug kinahanglan nga ibakwit.
Lakip sa mga nasunog ang mga balay mao ang pipila ka sikat nga Hollywood celebrity/personality, US star actress Mandy Moore, Paris Hilton’s Malibu house, ang $6.5 million Los Angeles property sa US actor/couple Leighton Meester ug Adam Brody, ang multimillion dollar mansion sa Hollywood star nga si Anna Faris, ingon man mga kabtangan sa Pacific Palisades ang mga aktor nga sila Miles Teller ug Eugene Levy, komedyante nga si Billy Crystal ug Oscar winner nga si Anthony Hopkins ug uban pang mga bituon sa Hollywood. Gikataho usab nga ang Duke ug Duchess sa Sussex, Prince Harry ug Meghan Markle, mahimong mapugos sa pagbakwit gikan sa ilang balay sa Montecito, California taliwala sa pagkawala sa kuryente ug pagbakwit didto kung mokaylap ang sunog.
Samtang, ang mga bombero sa LA nakasinati usab og kakuwang sa tubig aron mapalong ang mga sunog diin pipila sa mga alternatibong tinubdan sa tubig gikan sa mga swimming pool ug mga linaw.
Una nang gikompirma sa mga otoridad nga 5 ka mga tawo ang namatay samtang kapin sa 100,000 ka mga residente ang napugos sa pagbakwit gikan sa sunog sa Eaton samtang 37,000 ang gipabakwit tungod sa Palisades inferno.
Ang wildfire unang miulbo sa Palisades kaniadtong Martes, nga gikonsidera nga labing makadaot sa kasaysayan sa LA.
