GENERAL SANTOS CITY- Mas gipahugtan na ang seguridad sulod sa Wild Card Gym, alang sa pagbansay ni eight division world champion ug Sen. Manny Pacquiao, sugod kagahapong adlawa.
Dungan kini sa nagpadayon nga heavy training alang sa gikatakdang away batok kang Lucas Matthysse sa Hulyo 15, sa Kuala Lumpur, Malaysia.
Gilimitahan na ang mga tawo nga mahimong musulod sa gym, ug wala na ginatugtan ang pagkuha ug mga litrato ug videos atul sa training, hilabi na pag-abot sa sparring sessions.
Kahibaluan nga kagahapon sa buntag, didto sa Tinoto, Maasim sa Sarangani, nagpahigayon ug training routines si Pacquiao.
Kauban niini ang Austrailian spar mate nga si George Kambosos Jr., ug ang Chinese boxer nga si Liu Bin, nga usa sa mga muaway sa undercard fight sa Pacquiao-Matthysse bout.
Samtang kagahapon sa hapon, laing unom ka rounds sa sparring sessions ang iyang gipahigayon kauban gihapon ang mga spar mates, sulod sa Wild Card Gym.
