GENSAN– Nangandoy ang weightlifter gold medalist nga si Hero Anthon Alas-as nga gikan sa delegasyon sa Zamboanga City nga taas pa ang iyang makab-ot sa weigtlifting.
Matod pa niini, nga puhon gusto niya nga mahimong Olympian.
Sa karon, gibutyag sa 10 anyos nga batang weightlifter nga himuon ang tanang makaya og maningkamot sa pagbansay hangtod nga mahimong maayo.
Kahibaluan nga si Alas-as,ang nakakuha sa unang gold medal alang sa ilang team sa weightlifting competition.
Si Alas-as mao ang pinakauna nga atleta sa ilang grupo nga nakadaog ug gold, hinungdan nga naghatag ug inspirasyon ug kadasig sa mga kauban niining atleta.
Giangkon sa nasampit nga dakong inspirasyon kaniya ang iyang coach ug mga ginikanan, tungod sila ang naghatag kaniya og kusog, disiplina, ug determinasyon aron maangkon ang maong kadaugan.
