GENERAL SANTOS CITY – Magpahigayon og weekly kon sinemana nga assessment sa sitwasyon sa GenSan partikular ang matala nga kaso sa virus infections ug ang recovery rate sa mga pasyente kini.
Nasayran nga sugod niadtong May 25, 2021 gipailawom ni Mayor Ronnel Rivera ang syudad sa GCQ status tungod sa nagkataas nga kaso sa COVID 19.
Anaa sa 619 ang active cases sa siyudad sa kasamtagan nga nagbutang sa Gensan sa ikaduhang pwesto nga adunay labing daghang active cases sa tibuok rehiyon dose, nanguna ang South Cotabato nga mitala og 628.
Una nang gipamahayag ni Rivera nga sa kasamtangan, labaw’ng kinahanglan sa GenSan ang mas istrikto pang pagpatuman sa health protocol aron masalba ang health capacity sa siyudad, nga dul-an na sa critical level.
Aminado si Mayor Rivera nga dili igo ang pagpatuman sa “stricter measures” sa siyudad, aron hingpit nga matapna ang pagkaylap sa Covid-19 infections.
Hinuon, gibutyag sa mayor nga nakaandam matud pa kining bawion ang GCQ status sa siyudad, higayon nga adunay dakong pagkunhod sa daily Covid infections, una pa man ang June 30, 2021.
