GENERAL SANTOS CITY – Padayon ang giani nga pagdayeg sa gihimong kaayo ni Sen. Manny Pacquiao human niini gihatagan og salapi, house and lot gawas pa nga giapakyaw ang tanang tinda sa usa ka ice cream vendor.
Daghang mga overseas Filipino Workers (OFW) ang nakatan-aw sa nag-viral nga video ni Sen. Pacquiao sa pagtabang kang Marcelino Intia (Insya) nga taga Prk. Rajah Muda, Brgy. Bula ning syudad.
Sa video, makit-ang samtang gakaon ug ice drop, gihinabi ni Pacman si Intia og nangutana sa iyang panginabuhian og uban pa dayon gisaaran nga hatagan ug balay ug yuta og gitagaan ug kapin P30,000 cash human nga masayran nga nangabang lamang.
Sa mga posts mga netizens sa Bombo Radyo GenSan page, gibutyag ni Aisha Aguinaldo nga nagtrabaho sa Tabuk Saudi Arabia nga suwerte si Intia.
Matud kay Christine Branzuela Gumadlas nga OFW sa Dubai nga hilabihan gayud kabuotan ni Pacquiao og gipasalamatan niini ang Senator sa pagtabang sa edaran.
Pipila sa nakatan-aw sa video silang Jane Pearl Maquiran, OFW sa Jordan, Lhang Manuel Yusof sa Kuwait og Birthrant C.
Uy nga nagtrabaho sa Canada. Natandog usab ang kasingkasing dihang nakit-an ang video nila ni Jovylito Flores Arcala , oFW sa Riyadh Saudi Arabia, Yaco Jayzel sa Qatar, Marco Gabriel sa Panama, Emely Maquilan dePadua sa Abu Dhabe og Jocelyn Inoc sa Hongkong.
Wala usab magpaulahi ang mga Pinoy nga ania sa nasud sa pagtimbaya kay Intia og kay Pacquiao. Saludo si Ghiezel Pasinag Binas kay Pacman nga gitawag niining ‘idol senator manny pacman’.
Ang pipila usab, pangandoy ang mas daghan pang ‘blessings’ nga muabot sa Pinoy ring icon og sa iyang pamilya aron mas daghang matabangan.
Sa exclusive interview sa Bombo Radyo GenSan kay Intia, giangkon niini nga sangko sa langit ang iyang kalipay ug dako usab ang iyang pasalamat sa senador.
Nasayran nga miabot ng sa kapin 2 million views ang video nga gi-post sa usa ka Jen Manilay nga kauban sa senator niadtong gitabangan ang ice cream vendor
