Nagpakita og kamaayo ang bag-ong reserve guard sa Golden State Warriors nga si Buddy Hield human niining nakahimo og 22 big points sa sulod sa 19 minutos, dalan aron mapildi ang Sacramento Kings sa ikaduhang preseason game, 122 – 112.
Wala usab nagpaulahi ang bag-ong shooting guard sa Golden State nga si De’Anthony Melton nga aduna usab 16 points sa sulod sa 21 minutos.
Nasayang usab ang 15 points sa bag-ong forward sa Kings nga si Demar Derozan tungod kay napildi ang ilang team.
Wala nakagukod ang Kings sa 28 3-pointers nga gibuhian sa Warriors sa katibuk-an sa dula.
Nahimo kini sa team gamit ang episyenteng 53.7 shooting percentage.
Bugtong pito ka 3-pointer lamang ang nahimong tubag sa Kings sa kalaban.
Bisan niini, gipahimuslan sa Kings ang gagmay nga mga player sa Golden State og nakahimo og 52 big points sa sulod sa paint area.
Sa Warrios, miabot lamang sa 22 points ang ilang nahimo.
Samtang, human sa hingpit nga paghawa ni Klay Thompson sa Warriors, gigamit sa Warriors ang sophomore nga si Brandin Podziemski isip starting guard kauban silang Stephen Curry, duha ka forward nga silang Draymond Green og Jonathan Kuminga, og Kevon Looney isip sentro.
