Anaa na’y mosunod nga coach ang Cleveland Cavaliers human sa kalit nga pagpalagpot kang kanhi head coach J.B. Bickerstaff human napildi ang team sa miaging Eastern Conference semifinals.
Diin gikatakdang kuhaon sa Cavs ang Golden State Warriors Assistant nga si coach Kenny Atkinson.
Si Atkinson unang nagsilbi isip head coach sa Brooklyn Nets gikan sa 2016 hangtod 2020 ug mibalhin sa Los Angeles Clippers isip assistant coach niadtong 2020-2021 ug tuig 2021-2022 mibalhin kini sa Warriors hangtod nga nadala sa team ang kampiyonato.
Ang umaabot nga kontrata ni Atkinson kasamtangang gi-finalize ug dili pa klaro kung pila ug pila ka tuig ang kontrata nga itanyag kaniya.
Sa bahin sa Cavs, si Atkinson gipaabot nga manguna sa rehabilitasyon sa tibuok team, human sa ilang makapasagmuyo nga performance sa miaging Eastern Conference Semis.
