Nag-issue ang Quezon City Regional Trial Court og bench warrant batok kang Arnel Pineda ang lead vocalist sa American rock band nga Journey, tungod sa giingong kapakyas niini pagtunga sa korte kalabot sa kaso nga gipasaka sa iyang kanhi asawa.
Naisyu ang warrant human sa makadaghang higayon nga napakyas si Arnel sa pagtunga sa korte, bisan pa sa pagpasalig sa iyang mga abogado nga motunga siya.
Ang kaso may kalambigitan sa kalapasan sa Anti-Violence Against Women and Their Children Act (RA 9262).
Sumala sa mga taho, si Arnel gipasakaan og kasong marital infidelity ug psychological abuse, lakip ang pagpugong sa pinansyal nga suporta, abandonment, ug verbal o emotional abuse.
Sa affidavit sa iyang asawa, nalatid nga ang ilang relasyon giingong mas nilala kniadtong 2021, hangtod nga nagbulag na sila.
Usa sa iyang gireklamo mao nga gidala matod ni Arnel ang ilang menor de edad nga anak sa U.S. nga walay pagtugot, samtang nagsuroy-suroy kini.
Gikatakdang magpakita ang lead vocalist karong Septiyembre 17 human gisilbihan og warrant kaniadtong Septiyembre 12, matod sa mga otoridad nga wala ang singer sa maong address.
Mahimong makapiyansa ang kaso, ug P72,000 ang piyansa.
Samtang wala pa mohatag og pamahayag si Arnel kalabot sa gipasaka nga kaso.
