War on drugs sa PDEA wala mausob, mikusog pa
GENERAL SANTOS CITY – Wala mausob ang war on drugs sa Philippine Drug Enforcement Agency hilabi na sa propbinsya sa Sarangani Province.
Kini ang gibutyag ni Naravy Duquiatan, ang labaw sa PDEA-12 human gibutyag nga sukad Enero hangtud ning bulana, halos dul-an na sa P10 million nga balor sa gidiling druga ang ilang nakumpiska.
Matud sa opisyal nga nakatutok ang ilang ahensya sa demand and supply reduction pinaagi sa mga ginalusad nga mga operasyon gawas pa sa pagpahigayon ug anti drug program.
Gani sunod-sunod nga operisyon ang gipahigayon sa miaging semana, kauban ang kapulisan kung asa nasikop ang usa ka babaye nga buot buot mupasulod ug druga sa city jail.
Sa isyu usab sa pag recycle sa druga matud sa opisyal nga wala kini nahitabo sa ilang buhatan kini tungod ginasunog ang makumpiska nga druga pinaagi sa permiso sa korte.
Gani sa miaging Hulyo mukabat sa P7.5 million nga balor sa gidiling druga, mga drug paraphernalias ang ilang gisunog.
