GENERAL SANTOS CITY – Mas gipalig-on sa kapulisan sa dakbayan ang manhunt charlie.
Apan naapil sa pagdakop sa kapulisan sa mga nagpahigayon ug pot session sa Purok Pearly Shell, Bula ning syudad dungan sa pagpatuman sa manhunt charlie sa usa ka wanted person.
Matud ni Police Major Abdulsallam Mamalinta, hepe sa Bula Police Station nga target unta sa ilang operation si Eric Orillano, 48 anyos nga residente sa Purok Pearly Shell Bula gumikan sa giatubang niini nga kaso nga rape.
Apan dihang i-served na unta ang kamandu-an sa korte ilang naagi-an ang laing tulo ka mga tawo nga nagamitan ug druga samtang naa sa usa ka lawak sa lugar.
Caught on the act silang Reynaldo Payas, 27 anyos, Rodelio Orellano, 36 anyos og Rolando Orellano pulos mga residente sa lugar.
Nakuhaan pa ang tulo ug usa ka pakete sa shabu ug mga drug paraphernalia.
Matud ni Mamalinta nga madugangan ug kaso sa pagsupak sa comprehensive dangerous drugs act of 2002 ang orihinal nga target sa ilang operisyon nga si Eric Orellano samtang ng tulo ka kauban niini pulos mag-atubang sa kaso kalabutan sa druga.
