-- ADVERTISEMENT --
GENERAL SANTOS CITY – Balhug sa Pendatun Police Station ang usa ka wanted sa Davao Del Sur nga nasikop dinhi sa dakbayan.
Kini human sa hiniusang operasyon nga gipahigayon sa mga sakop sa nasampit nga presinto ug sa Magsaysay Municipal Police Station sa Davao Del Sur sa Bulaong Terminal Barangay North ning siyudad.
Ang dinakpan giilang si Amalia Acain, hamtong, residente dinhi sa siyudad.
Nag-atubang kini ug kasong pagsupak sa RA 9165 kon Comprehensive Dangerous Drugs Act of 2002, kung asa ang warrant of arrest niini ang gipanaog gikan sa RTC Branch 21 sa Bansalan, Davao Del Sur, ug may piyansa nga P60,000.
