-- ADVERTISEMENT --
GENERAL SANTOS CITY – Nagpabilin sa bilangguan ang human nasikop dinhi sa syudad ang usa ka tawo nga wanted didto sa Cebu.
Giila ang dinakpan nga si Allan Dichoso, 46 anyos nga nagpuyo sa Purok 6, New Society Apopong.
Ang nasampit ang may kasong estaffa nga gipagawas ni Regional Trial Court (RTC) Branch 20 Judge Bienvinido Sanid Jr. sa Cebu nga nagrekomenda ug P40,000 nga piyansa.
Matud sa kapulisan nga kaniadto pang Nobyembre 1996 migawas ang kamandu-an sa korte apan nagtago ang nahisgutan ug nakita dinhi sa dakbayan.
Samtang nakiglambigit ang kapulisan sa dakbayan didto sa Cebu gibutang una sa hugot nga seguridad ang suspek sa San Isidro Police Station.
-- ADVERTISEMENT --
