GENERAL SANTOS CITY – Nadala balik sa Alabel Sarangani Province ang usa sa most wanted person sa munisipyo nga nagtago didto sa Region 10.
Gibutyag ni Police Sr. Instr. Benjie Ancheta , hepe sa Alabel Municipal Police Station nga nakiglambigit kanila ang kapulisan sa Cagayan de Oro human masiplatan ang suspek nga nagpangalan ug Regirald Tagay nga nag-atubang ug duha ka kasong lugos.
Human makumpirma sa buhatan ni Ancheta gilayon kining nagpadala ug kopya sa warrant of arrest ug didto na naaresto ang suspek pinaagi sa manhunt charlie.
Gumikan niini gipasalamatan ni Ancheta ang iyang counterpart didto sa Cagayan sa pagkadakop sa nahisgutang wanted.
Gikadugang pa sa opisyal nga duha ka kaso nga lugos ang giatubang sa suspek nga nangalagad nga driver sa kanhi Gobernador sa Sarangani.