Walo sa 12 ka mga luxury cars sa mga Discaya walay entry records sa nasud – BOC

Gibutyag sa Bureau of Customs (BOC) nga walo sa 12 ka mga luxury car sa contractor nga magtiayong Sarah ug Pacifico Discaya ang walay entry records sa nasod.

Gihatagan usab sa BOC ang magtiayon og 10 ka adlaw aron pagpakita og pruweba nga husto ang pagbayad sa bayronon sa ilang mga luxury cars.

Si Customs Commissioner Ariel Nepomuceno niingon nga gusto nilang maseguro nga makabarog sa korte ang ilang inisyal nga imbestigasyon.

Ang BOC nagplano karon nga makakuha og search warrants alang sa ubang luxury cars sa mga Discaya, diin matud ni Sarah 28 ang kinatibuk-an.

Hinuon gibutyag ni Senate Pro Tempore Jinggoy Estrada nga base sa talaan sa Land Transportation Office adunay 40 ka high-end nga mga sakyanan.