Walo patay sa drone strike sa western Russia

Misaka na sa walo ang namatay samtang daghan usab ang nasamdan sa drone strike nga giingong gihimo sa Ukraine sa western Russia.

Matud ni Tambov Governor Evgeny Pervyshov, naigo sa drone ang usa ka warehouse sa lungsod sa Kotovsk. Samtang, giingon sa Russia nga naka-intercept sila og 28 ka drone nga giingong gipalupad sa Ukraine.

Sa kasamtangan, kapin 25 ka mga tao ang padayon nga nagpaayo sa ospital human maangol sa nagkalain-laing bahin sa ilang lawas tungod sa maong pag-atake.