Ipadayon sa House of Representatives ang impeachment hearing batok kang Bise Presidente Sara Duterte nga gikatakda sa Abril 14, 2026, human ang Korte Suprema wala mopagawas og Temporary Restraining Order.
Kini ang gipahibalo sa House Committee on Justice chair ug Batangas Rep. Gerville “Jinky Bitrics” Luistro.
Gipasiugda ni Luistro nga ilang ipadayon ang mga hearing sa House Committee on Justice tungod nahiuyon kini sa Konstitusyon ug ang panel hugot nga nagsunod sa mga patakaran sa Kamara, sa Konstitusyon, ug sa mga may kalabutan nga desisyon sa Korte Suprema.
Gipasalig usab ni Luistro nga ang mga hearing mahimong patas, hapsay, base sa ebidensya, ug adunay hingpit nga pagtahod sa due process.
Ingon man nga gikapamenos usab ni Luistro ang mga isyu nga gipagawas sa kampo sa Bise Presidente ug gihulagway kini nga mga teknikalidad lamang.
Gipasabot ni Luistro nga ang impeachment usa ka mekanismo nga gitukod sa Konstitusyon aron masiguro nga ang mga taas nga opisyal manubag sa mga seryoso nga akusasyon.
Sumala niya, ang katungdanan sa publiko nanginahanglan og accountability, ug kadtong nag-atubang og mga alegasyon kinahanglan hatagan og higayon nga mopasabut ug madungog.
Gipasalig usab sa Justice panel nga ilang gisunod ang mga limitasyon nga gitakda sa balaod, labi na ang ‘one-year bar rule’.
Bisan pa man nga nag-ingon sila nga nagpaabot sila og legal nga mga lakang gikan sa kampo ni Duterte, masaligon si Luistro nga ang kamatuoran mopatigbabaw.
