Giklaro ni House lead prosecutor Rep. Gerville ‘Jinky Bitrics’ Luistro nga walay bisan unsang dokumentaryong ebidensiya nga gitangtang sa impeachment case batok kang Vice President Sara Duterte atol sa kasamtangang pre-trial proceedings sa Senado.
Matod ni Luistro, dili sakop sa pre-trial conference ang pagdesisyon kung dawaton ba o dili ang mga dokumentaryong ebidensiya.
Hisgutan lamang kini sa higayon nga pormal nang magsugod ang impeachment trial.
Mibalibad usab siya sa paghatag og dugang detalye kabahin sa mga ebidensiya, mga testigo, ug uban pang mga butang nga gihisgutan sa pre-trial aron dili maapektuhan ang kaso.
Gihulagway ni Luistro nga aktibo apan propesyonal ang dagan sa pre-trial conference, diin parehong nakapokus ang prosekusyon ug depensa sa pagpalig-on sa ilang tagsa-tagsang panig.
Sa pagkakaron, gihuman na sa duha ka kampo ang pagmarka sa mga dokumento sa dili pa ipagawas sa Senate impeachment court ang pre-trial order.
Gikatakdang magsugod ang impeachment trial ni Duterte karong Hulyo 6.
