Gipaklaro ni Atty. Sittie Sharmaine Papandayan-Garangan sa COMELEC GenSan nga ang mga campaign poster lamang sa mga national nga kandidato ang ilang gipangtanggal nga wala sa common poster area.
Matud pa ni Garangan nga sa bahin sa lokal nga kandidato wala una gitanggal gumikan wala pa nagsugod ang campaign period.
Sa Marso 25 magsugod ang campaign period sa lokal nga posisyon og sa maong higayon ilang tanggalon ang mga campaign poster nga wala sa common poster area.
Apila niini sa mga pulitiko og sa mga suporters nga sundon ang mga patakaran alang sa hapsay nga election.
Una ang pagtanggal sa mga campaign posters nga wala sa common poster area magsulat sila sa mga kandidato nga hangyuon nga baklason og kung dili himoon ang Comelec ang magpahigayon og Oplan Baklas.
Nasayran nga sa dakbayan adunay 66 ka mga common poster area nga didto pwede magbutang og mga campaign posters ang mga pulitiko.
