GENERAL SANTOS CITY -Gipalubong na sa iyang pamilya ang vulcanizer nga gipusil sa nakamotorsiklo nga suspek.
Gikumpirma ni Police Sr. Instr Robert Fores sa Makar Police station nga nagpadayon ang gihimong imbestigasyon bisan ug wala mikooperar ang pamilya sa biktima nga si Zaide Tumbaga nga residente sa Zone 5 Blaan Community Village, Labangal.
Gipusil ang biktima samtang naa sa iyang vulcanizing shop sa wala maila nga suspek gamit ang caliber 45 pistol.
Nasayran nga naa usab sa lugar ang dose anyos niini nga vulcanizer dihang nahitabo ang krimen.
Nasayran nga gawas sa pagpang-vulcate gabaligya usab ug motorsiklo ang biktima.
Nasuta nga sa maong lugar daghang pagpamusil na ang nahitabo kung asa ang biktima ang dili na maabtan sa nagresponde nga kapulisan tungod kuha-on dayon sa ilang mga tagtungod.
