Walay plano si Bise Presidente Sara Duterte nga kasuhan ang Makati-based PR firm nga giingong nagpaluyo sa anti-Sara Duterte propaganda sa Facebook ug TikTok.
Kahinumduman nga , base sa report usa ka Philippine-based marketing agency, Comm&Sense Inc., migamit sa ChatGPT alang sa propaganda batok sa bise presidente.
Ang nasangpit nga kompanya mao kuno ang nagpaluyo sa peke nga TikTok ug FB accounts nga “nagpahumot” kang Presidente Bongbong Marcos samtang nagbutangbutang kang Duterte nga “Princess Fiona” atol sa kampanya.
Ang PR firm gitukod ug gipadagan ni Jaeger Tanco, anak sa bilyonaryo nga si Yosi Tanco
Matod niya nga dili lang ang maong kompanya ang nagpadagan sa mga anti-Sara Duterte o anti-Duterte programs online.
Siya miingon nga kini kabahin sa harasment batok kaniya ug ang tumong nga ma-disqualify siya sa 2028 presidential elections.
Gisaway usab niya ang pagdungog sa House Quad Committee sa pagkaylap sa fake news.
