Gimandoan sa Senate Impeachment Court si Bise Presidente Sara Duterte nga motambong sa pagsugod sa iyang husay sa Lunes, Hulyo 6, 2026.
Kung wala ang bise presidente, ang iyang legal team mahimong morepresentar kaniya.
Sa imbitasyon nga gipadala sa korte ngadto sa bise presidente karong adlawa (Hulyo 3), gihangyo sila nga motambong sa pagsugod sa husay nga gikatakdang ablihan sa alas 2 sa hapon.
Kini ipahigayon sa Senate Session Hall sa Pasay City.
Gimandoan usab ang bise presidente nga mosunod sa tanang mando, direktiba, ug desisyon sa Senado subay sa Konstitusyon ug kasamtangang mga balaod.
Bisan pa man nga gipasalig sa legal team sa bise presidente ang ilang kahandaan sa pag-atubang sa husay, wala pa’y kumpirmasyon sa pagkakaron kung personal nga motambong si VP Sara sa maong adlaw.
