Nangayo og pasaylo si Vice President Sara Duterte ngadto sa tanang mga miyembro, deboto ug milangkob sa Kingdom of Jesus Christ kon (KOJC), sa paghangyo kanilang botohon si President Bongbong Marcos Jr., kaniadtong 2022 panahon sa presidential campaign.
Kini human niya gikondina ang grabeng pag-abuso sa police power dihang ilang gi-takeover ang KOJC Compound nga misangpot sa pag-harass sa mga relihiyosong tumuluo, pag-abuso sa mga menor-de-edad, ug pagkamatay sa ilang membro.
Sa sulat-pamahayag nga gipagawas sa bise-presidente, giklaro niini nga dili siya supak sa bisan unsa mang warrant of arrest basta nasubay lang sa balaud
Bisan kanus-a, dili matud pa madawat ang paggamit og kagubot sa mga inosenteng katawhan ug sa mga deboto sa Kingdom of Jesus Christ (KOJC).
Ang gihimo pa sa kapulisan, dayag nga dili lang paglapas sa pagprotekta sa tawhanong katungod nga nakalatid sa Konstitusyon kondili paglu-ib usab sa pagsalig sa katawhang Filipino ngadto sa institusyon nga nanumpang protektahan ug serbisyuhan ang tanan.
