Nagsumitena si Vice President Sara Duterte og pormal nga tubag sa duha ka impeachment complaints nga gisang-at batok kaniya sa House Committee on Justice.
Sumala ni Committee member ug Bicol Saro Party-list Rep. Terry Ridon, ang Bise Presidente nagsumite sa iyang tubag alas 4:30 sa hapon niadtong Lunes.
Sumala sa mga lagda sa impeachment proceedings, ang respondent adunay 10 ka adlaw aron motubag sa reklamo human madawat ang notisya.
Tungod kay nadawat ni VP Sara ang notisya niadtong Marso 5, ang deadline unta Marso 15 apan gi-extend ngadto sa Marso 16 tungod kay natunong kini sa Domingo.
Ubos sa mga lagda sa House, ang mga nagreklamo adunay tulo ka adlaw aron motubag sa tubag sa respondent, samtang ang respondent adunay dugang nga tulo ka adlaw aron mopasaka og tubag uban ang mga affidavit ug ebidensya.
Sa pagkakaron, duha sa upat ka impeachment complaints ang gidungog pa sa justice panel human ang una gi-postpone tungod sa one-year bar rule ug ang ikaduha nga reklamo gibawi. Ang mga alegasyon batok sa Bise Presidente naglakip sa giingong sayop nga paggamit sa confidential funds ug uban pang posibleng paglapas sa 1987 Constitution.
