Mibisita si Vice President Sara Duterte sa photo exhibit nga gipahinungod sa iyang amahan, si kanhi Presidente Rodrigo Roa Duterte, sa Laan Van Reagan en Gorbatsjov Street sa The Hague, Netherlands.
Ang maong pagbisita dungan sa pagsaulog ni VP Sara sa iyang adlawng natawhan karong adlawa Mayo 31, samtang ang kanhi presidente gipriso sa International Criminal Court (ICC) tungod sa crimes against humanity nga may kalabotan sa iyang ‘war on drugs.’
Kahibaluan nga si Duterte gidakop niadtong Marso 11 ug kasamtangang nagpaabot sa kumpirmasyon sa kaso nga hearing sa ICC niadtong Septiyembre ning tuiga.
Sumala sa usa ka poll, 62% sa mga Filipino ang nagtuo nga importante nga atubangon ni Duterte ang husay sa ICC, samtang 61% ang nagtuo nga makatabang kini sa pagbutyag sa kamatuoran bahin sa mga pagpamatay sa iyang madugo-on nga ‘war on drugs.’
