Mipalag si Vice President Sara Duterte sa alegasyon nga ‘habitually absent’ siya sa iyang katungdanan.
Matud ni VP Sara nga ang mga akusasyon nga walay basehan ang pagbutangbutang lamang nga gibuhat sa uban.
Sa taho, gisaway ni ACT Teachers Partylist Rep. Antonio Tinio ang kanunay nga pagbyahe sa bise presidente sa gawas sa nasud nga giingong nakaapekto sa iyang performance.
Gitataw ni Tinio nga isip mapili nga Bise Presidente, dili angay pasagdan ni VP Sara ang iyang katungdanan sa katawhan isip ikaduhang labing taas nga lider sa nasud.
Sukad sa Marso, si VP Sara nagbalik-balik sa The Hague, Netherlands aron bisitahon ang iyang amahan, si kanhi Presidente Rodrigo Duterte, kinsa gihusay sa International Criminal Court (ICC).
Alang kang Office of the Vice President Spokesperson Ruth Castelo, aktibo gihapon nga nakatutok si VP Sara sa mga programa sa buhatan bisan og wala siya sa nasud.
