Gipanghimakak ni Vice President Sara Duterte ang mga akusasyon nga midapig siya sa China taliwala sa tensyon sa West Philippine Sea nga naglambigit sa gikaaway nga mga teritoryo.
Sa interbyu sa Kidapawan City kagahapon Martes, Mayo 6, gipanghimakak ni VP Sara ang mga alegasyon nga siya pro-China.
Gihingusgan niini nga siya Pro-Philippines. Sa iyang pamahayag nga naa siya sa nasud nga nangampanya alang sa midterm election ug ang hisgutanan sa China ang dili kinahanglan nga usa ka isyu.
Kahibaluan nga gikuwestyon ni La Union 1st district Rep. Paolo Ortega V ang loyalty ni VP Sara human sa padayon niya nga pagbatikos sa mga kaalyado sa administrasyon sa iyang mga ginahimong pagpamulong atol sa mga kampanya, pero dili ang China.
Mibalos ang Bise Presidente kang Ortega, nga nag-ingon nga siya usa ka produkto sa warlordism dinhi sa atong nasud.
Giawhag usab niya ang magbabalaod nga mag-focus sa mga problema karon sa nasud.
