-- ADVERTISEMENT --
Nipadangat si Bise Presidente Sara Duterte sa pasalamat ni kanhi Presidente Rodrigo Duterte sa mga Filipino sa Kuwait sa ilang suporta ug pag-ampo alang kaniya, taliwala sa iyang pagkabilanggo sa The Hague.
Kasamtangang gitanggong si kanhi Presidente Duterte sa The Hague, Netherlands, human gidakop kaniadtong Marso pinasikad sa warrant of arrest sa International Criminal Court (ICC) tungod sa giingong mga krimen batok sa katawhan.
Matod sa iyang buhatan, ang pagbisita sa Bise Presidente mao ang pagpaminaw sa mga mulo ug panginahanglan sa mga OFW sa Kuwait.
Samtang, gitakda sa ICC ang kumpirmasyon sa pagdungog sa mga kaso batok sa kanhi presidente alang sa Setyembre 23, 2025.
