-- ADVERTISEMENT --
Niingon si Vice President Sara Duterte nga bag-o lang siya nga nibisita kang Apollo Quiboloy sa Pasig City Jail.
Sa interbyu sa Kuala Lumpur, Malaysia niadtong Huwebes, si Duterte niingon nga nibisita siya kang Quiboloy sa wala pa molupad paingon sa The Hague, Netherlands aron makita ang iyang napriso nga amahan nga si kanhi Presidente Rodrigo Duterte.
Ang kanhi Presidente kasamtangang gitanggong sa International Criminal Court (ICC) detention facility.
Ang Bise Presidente nagkanayon nga nanghinaot siya nga masulbad dayon ang mga kasong kriminal nga giatubang ni Quiboloy.
Matud ni Duterte nga ila usab nga gihisgutan ang resulta sa 2025 midterm elections ingon man ang iyang napriso nga amahan.
-- ADVERTISEMENT --
