VP Sara Duterte nagpahinumdom sa sakripisyo, pagtuo og kaayo sa Edil Adha

Nagpahinumdom si Vice President Sara Duterte karong pagsaulog sa Eid’l Adha sa kahinungdanon sa sakripisyo, lig-on nga pagtuo, ug kaayo sa isigkatawo—mga bililhon nga gipasabot sa maong balaan nga kasaulogan sa atong mga igsoon nga Muslim.

Matod ni VP Duterte, ang Eid’l Adha dili lang usa ka pahinumdom sa pagsunod ni Propeta Ibrahim sa sugo sa Allah, apan usa usab ka timaan sa pagtuo nga walay pagduha-duha ug pagbaton sa kaisug sa paghalad sa kaugalingon alang sa labaw nga katuyuan.

Dugang pa niya, ang panaghiusa ug panagtinabangay sa matag usa maoy yawe sa malungtaron nga kalamboan ug kalinaw sa nasud.

Pinaagi sa pagrespeto sa kultura ug pagtuo sa matag Pilipino, mas mapalig-on ang panaghiusa sa katawhang Pilipino.