Nagpadangat og mensahe si Vice President Sara Duterte ngadto sa Office of the President kabahin sa last-minute nga pag-isyu sa iyang travel authority.
Sa iyang sulat, nagpasalamat ang Bise Presidente sa giingong pag-apruba sa dokumento, apan gipadayag usab niya nga dili na madayon ang iyang plano sa biyahe tungod sa kawalay kasigurohan kung tugotan ba siya nga makalarga.
Gipahibalo usab ni Duterte nga magpadala siya og bag-ong request, ug gihangyo ang opisina nga masiguro ang mas paspas ug hapsay nga pagproseso sa mga dokumento, uban sa igo nga panahon alang sa travel preparations, imbes nga ipagawas kini pipila lamang ka oras sa wala pa ang nakatakdang pagbiyahe.
Dugang pa niya, gipasabot nga ang pagpanalipod sa confidentiality ug hustong pagdumala sa sensitibong dokumento importante aron mapalig-on ang seguridad sa maong proseso.
📸: Inday Sara Duterte | Facebook
