Padayon nga ginakumpleto ni Vice President Sara Duterte ang defense team ni kanhi Pangulong Rodrigo Roa Duterte batok sa reklamong gipasaka kontra sa iyang amahan nga crimes against humanity sa International Criminal Court (ICC).
Matod kang VP Sara, may listahan siya sa mga abogado nga iyang istoryahon.
Si British-Israeli Atty. Nicholas Kaufman ang manguna para sa depensa sa kanhi Pangulong.
Gidugang pa ni VP Sara, sa oras nga makumpleto ang defense team, mag-withdraw si Atty. Salvador Medialdea isip abogado ni kanhi Peres. Duterte.
Giklaro ni VP Sara, limitado lang ang ‘slots’ para sa mga abogado og gusto nilang ang mukumpleto sa defense team ang may kasinatian sa ICC.
Hinuon gikumpirma ni VP Sara nga pulos langyaw ang magrepresenta sa legal team sa kaso sa iyang amahan sa ICC.
